z. Saimir Kodra

Saimir Kodra ka lindur më datë 25 shkurt në qytetin e Tiranës- Republika  e Shqipërisë.

Ai ka përfunduar studimet e larta në Akademinë Ushtarake të Tiranës në vitin 1982 dhe është titulluar oficer, ndërsa në vitin 2000  ai përfundon studimet edhe në Fakultetin e Drejtësisë.

Nga viti 1983 deri në vitin 1991 ai ka pasur një karrierrë të pasur ushtarake duke punuar në sektorë të ndryshëm të ushtrisë.

Nga viti 1992 deri 1993 ai ka qënë Kryetar i Degës së Rendit Publik në Dibër.

Nga viti 1993 deri në vitin 1997 ai punon në Shërbimin Informativ të Ushtrisë duke kryer detyra me rëndësi deri në atë të Drejtorit të këtij Shërbimi. Në këtë periudhë Z.Kodra ka kryer  disa specializime në fushën e kundërzbulimit ushtarak.

Nga viti 1997 deri në vitin 2005 ai  punon si menaxher në kompani të ndryshme shqiptare dhe si avokat.

Qysh prej tetorit të vitit 2005, z. Kodra emërohet Inspektor i Përgjithshëm i SHISH.

Në mars 2002 titullohet avokat.

Në 2008-2010 kryen studimet pasuniversitare në UEJL , Tetovë , Maqedoni për master shkencor ( niveli i II – të ) në “Diplomaci.” Në qershor 2010 fiton titullin “Magjistër për Diplomaci “ duke paraqitur punimin “ Reformat dhe dinamikat e zhvillimit të Shqipërisë për inegrim në BE.”

Në 2009-2010 kryen studimet pasuniversitare në Universitetin “UFO” , Tiranë për master shkencor ( niveli i II – të ) në “Marëdhënie Ndërkombtare.” Në korrik 2010 fiton titullin “Magjistër për Marëdhënie Ndërkombtare” duke paraqitur punimin “Kontrolli demokratik i shërbimeve të fshehta dhe roli i tij në realizimin e sigurisë e të mbrojtjes kolektive.”

Z. Kodra  njeh përgjithesisht mirë gjuhët gjermanisht dhe italisht dhe ka mbrojtur gjuhën angleze pranë Fakultetit të Gjuhëve të Huaja në UT.

Ai është i martuar dhe baba i tre fëmijëve.